Mohamed Faki Mwinyihaji

All parliamentary appearances

Entries 1541 to 1550 of 1994.

• 20 Feb 2020 in Senate: Bw. Spika, asante sana kwa kunipa fursa hii kuchangia Taarifa iliyoletwa na Seneta wa Kaunti Nairobi. Swala la mauaji ya raia sio swala geni katika Bunge hili la Seneti. Ni swala nilioangazia mwaka jana na mwaka uliyotangulia kwa sababu kila mwaka, vijana wanaendelea kuwaawa na kupotea bila sababu za kisheria. view
• 20 Feb 2020 in Senate: Ni majuzi tu miili nane iliokotwa katika Mbuga ya Wanyama Pori ya Tsavo. Miili hiyo ilipelekwa katika chumba cha kuhifadhi maiti cha Makindu. Kati ya watu wanane waliowaawa, wanne walikuwa vijana kutoka Kwale waliokuwa wamewaawa kinyama. Miili yao ilikuwa na alama kubwa kuthibitisha kwamba walifanyiwa ukatili kabla ya kuwaawa. Miili mingine minne ilibakia katika chumba hicho cha kuhifadhi maiti na mpaka sana, haijulikani ni miili ya akina nani. The electronic version of the Senate Hansard Report is for information purposesonly. A certified version of this Report can be obtained from the Hansard Editor, Senate. view
• 20 Feb 2020 in Senate: Bw. Spika, eneo la Mombasa na Pwani kwa jumla kuna visa zaidi ya 100 ambavyo vimerekodiwa vya waliopetea--- view
• 20 Feb 2020 in Senate: Sen. Cheruiyot, amri ya Spika ni amri! view
• 20 Feb 2020 in Senate: Bw. Spika, zaidi ya watu 100 wameuwawa kinyama katika mikono ya maafisa wa polisi au wahusika wa usalama wa nchi. Hakujakuwa na mwelekeo wowote wa kisheria kuhusiana na swala hili. view
• 20 Feb 2020 in Senate: Mkurugenzi Mkuu wa Mashtaka ya Umma, Bw. Haji, Afisa Mkuu was HAKI Africa na mimi tulizungumzia jambo hili wakati mmoja huko Pwani. Ijapokuwa Mkurugenzi Mkuu wa Mashtaka ya Umma alihuzunishwa na jambo la mauwaji ya kiholela, hajaweza kufanya jambo lolote kuhakikisha haki za Wakenya zinalindwa. Jambo la kuudhi kabisa ni kwamba vyumba vya kuhifadhi maiti ambako wahusika wa mauwaji hupelekwa, hulipisha familia za waliowaawa hela mingi ilhali familia hizo hazijui waliotekeleza mauwaji hayo. view
• 20 Feb 2020 in Senate: Bw. Spika, naunga mkono tuwe na tume maalum kuchunguza swala hili ili tupate mwelekeo wa kudumu kwamba swala kama hili halifai kuwa katika nchi yetu. Tulipata Katiba mpya mwaka wa 2010 ambayo ina mwongozo kamili wa haki za kibinadamu katika nchi yetu. Katiba yetu ninasemekana kuwa namba moja Afrika mbali na ile ya Afrika Kusini. Lakini mauwaji yamekuwa mengi sana baada ya katiba kupitishwa mwaka wa 2010 hata kuliko walivyowaawa kabla ya katiba tuliyo nayo sasa. view
• 20 Feb 2020 in Senate: Katiba yetu ni maneno matupu. Hakuna taasisi ya Serikali ambayo inaheshimu haki ya uhai ya wananchi bila ya kupoteza maisha yao kiholela. Naunga mkono kwamba kuwe na tume maalum ya kuchunguza swala hili kama vile tunachunguza swala ya vifaa vya matibabu, tulivyochunguza swala la ukulima wa mahindi na mambo mengineo. Lazima tutilie maanani swala la haki za binadamu kwani ni jambo linalopotezea vijana wetu maisha kiholela. Wale wanaohusika na swala hili la mauwaji hawafai kuendelea kupokea mishahara ya Serikali. view
• 20 Feb 2020 in Senate: Bw. Spika, asante kwa kunipa fursa hii. view
• 19 Feb 2020 in Senate: Bw. Spika, asante sana kwa kunipa fursa hii kuchangia Taarifa iliyoletwa na Sen. Kwamboka na mwenzake, Sen. Kasanga. Nawapongeza Maseneta wote ambao wamechangia taarifa hii kwa lugha ya taifa, Kiswahili. Wengi wemeweza kuzipata hisia za Wakenya kwamba swala la Virusi vya Corona ni swala linalotamausha Wakenya wengi. Kuna mipaka mingi katika nchi yetu ya Kenya inayotumiwa kuingia and kutoka. Kwa mfano, kuna mipaka kule Turkana, Bungoma, Mt. Elgon, Busia, Lamu, Mandera, Garissa, Lunga Lunga na kwingineko kwingi ambako watu huingia na kutoka katika nchi ya Kenya. Je, kaunti zetu zimejitayarisha vipi kupambana na swala hili? Katika Uwanja wa Ndege wa ... view